ჩემი ერთა ბაბუა
მიყვარს ძალიან.
ბაბუს ჩემთან სათამაშოდ
მუდამ სცალია.

დამიჯდება, მიკითხავს
ზღაპრებსა და არაკებს,
ან მიყვება ძველ ამბებს,
ან მე მალაპარაკებს.

დამიხატავს გრძელყურა,
სასაცილო ბაჭიებს,
მელაკუდებს, დათუნებს,
მაიმუნებს პრანჭიებს.

შეუძლია გათალოს
სათამაშო ურემი
და იქნება ისეთი...
არ მოიწყენ ყურებით.

ის ყველაფრის მცოდნეა,
ჩემი მეგობარია,
მიტომ მასთან  სტუმრობა,
ყოველთვის მიხარია.