ერთმანეთს ვატოლებთ ხელისგულებს
და ჩვენი ბეჭდებიც ერთდებიან,
სურვილი, რომელიც შევისრულეთ,
ყველა ოცნებაზე დღეგრძელია.

არარომანტიულ საუკუნეს
მიკედლებული ვართ გერებივით,
მაინც ყალბ დროებას არ ვუყურებთ,
მშობლიურ ბუნებას ვეფერებით.

მთვარე ღრუბლებისგან იბურება,
მთები გულისცემას ბანს აძლევენ,
წინ, ალბათ, რამდენი სირთულე გვაქვს
გადასატანი და დასაძლევი,

ვინ იცის... თუმცა კი ერთად ყოფნით,
შევძლებთ, გადავლახავთ დაბრკოლებებს,
ეჭვებს საფუძველი დღეს არ ყოფნით,
გრძნობებს ვეღარაფრით აყოვნებენ.

სულ სხვა ელვარება უვლის თვალებს,
როცა სიყვარული ამხელაა....
მე - შენი ნაწილი გულის მხარეს,
შენ - ჩემი მეორე ნახევარი.