| ავტორი: ვანანო ჟანრი: პროზა 2 ივლისი, 2020 |
საბავშვო ბაღის კარი ლია მასწავლებელმა შეაღო. ფორმა ჩაიცვა და სადეზინფექციო ხსნარი მოაფრქვია ოთახს. მალე შამპუნისა და სუნამოს სურნელით გაიფხორა დასპირტული სივრცე, რადგან ფანჯრები ჩაერაზათ. საუზმობისას სანდროს ტირილი გაიგონა და წაქცეული ფინჯანი ენიშნა. ბიჭი წამოაყენა, ხელები დაუთვალიერა და გაუღიმა: -ფინჯანი ძალიან ცხელი იყო და გასაგრილებლად გვერდი იცვალა! არაფერია სანდრო! ლიამ აღსაზრდელებს ანიშნა, დასხედითო. ძიძა შემოვიდა. -სანდრო, რამხელა აურზაური გამოიწვიე შენი მოუხერხერხებლობით, თითქოს პირველად სვამდე ჩაის!! ლიას არაფერი უთქვამს. მიდიოდა ყველა მაგიდასთან, მზრუნველ ხელს ადებდა ბავშვებს მხარზე. ისინიც გულში ეკვროდნენ, უღიმოდნენ, მშვიდად სხდებოდნენ. გაახსენდა თავისი ბიჭი, რომელიც ხშირად აქცევდა ჩაის. არ უბრაზდებოდა, იცოდა უნებლიეთ მოსდიოდა. მასწავლებელმა გადაშალა რვეული, ჩანაწერს ჩაჰხედა: „შვილები სხვისებად უნდა დავინახო, რათა სულ ჩემები იყვნენ და ერთმანეთს ვგრძნობდეთ.“ სანდრო სხვისი შვილი იყო. საკუთარ ნაშობს არ უხშობდა გულის ხმას, არ აწვეთებდა შხამს, არ უღვივებდა უნდობლობას ადამიანებისა და ცხოვრებისადმი. საკუთარი გამოცდილების თვალით არ ახედვინებდა ბავშვებს. ხმაურიანი დღის ბოლო, სიგრილესა და სიცარიელეს მთქნარებით ათავსებდა კუთხე-კუნჭულში. ოთახი მოეკრიალებინათ. -ზინა დეიდა, სანდრო მოუხერხებელია, ყურადღებას თუ არ გავუმახვილებთ, „არ გავუფორმებთ“ ამ ქცევას, კომპლექსი არ ჩამოუყალიბდება! - ლია, შვილო, თავის საქციელზე ხომ უნდა აიღოს პასუხისმგებლობა? -ჩხუბით მხოლოდ შიშსა და კომპლექსებს ვუნერგავთ. შიშის ფაქტორი გააზრების საშუალებას არასოდეს მისცემს. - ვერ ხვდება, რა არის ცუდი და კარგი ქმედება, ხომ უნდა მივუთითოთ?! -აი, ზუსტად, ვერ ხვდება, განგებ ხომ არ იქცევა ასე?! გაცნობიერების შემდეგ აიღებს პასუხისმგებლობას თავის საქციელზე. დატუქსვის მიზეზს ვერ იგებს, რადგან არ დაუმსახურებია. ამ შემთხვევაში ფუჭია ჩვენი სწავლება. -აბა როდის, ან რა უნდა ვასწავლოთ ლია, ქცევის ნორმები.. წესები?! -სათანადოდ უნდა მოვეპყროთ. მათდამი გამოვლენილი სიყვარული და ნდობა აიძულებს, დაგვიჯეროს. მანამდე კი ჩვენ უნდა ვენდოთ, ჩვენ უნდა გვიყვარდეს!! ზინას თვალწინ დაუდგა ლიას შვილები და ყველაფერს მიხვდა. ზომიერად ცელქი, ცოცხალი ბავშვები, გაცისკროვნებული თვალებით, პირზე ღიმილითა და გამოწვდილი ხელებით. გამზიარებელი პატარები ყველას თვალში ხვდებოდა. ვინც თავადვე იყო ამ თვისებების მატარებელი, კარგს ხედავდა მათში, ვისთვისაც მათი ქცევა შეუფერებელი იყო, იბოღმებოდა და თავხედობაში უთვლიდა ბავშვებს ამ სითამამამეს. ძერწვით დაღლილი ბავშვები ლიამ სავარჯიშოდ გაიწვია. ლიზამ შემთხვევით ხელი გაჰკრა ზაზას. ბიჭმა მუშტი უთავაზა. ზაზა იმპულსურ ქცევაში შემჩნეული იყო, ამიტომაც ლიამ გოგონას თვალით რაღაც ანიშნა და დაელოდა. -მპა! კარგი ბიჭი ხარ ზაზა, განგებ არ დამირტყამს. შემირიგდი, გთხოვ!! ზაზას თვალები გაუფართოვდა. ხელი ნაკოცნ ლოყაზე მიიჭირა. მასწავლებელს თვალები მოსწყვიტა და გაიქცა. ლიზამ მისკენ გაიწია. -სჯობია, მარტო დარჩეს! ლიამ თვალებში ჩაჰხედა, შეეცადა თავისი რწმენა გადაეცა. ბავშვებმა თითქოს თვალები გადმოსხესო, ბარტყებივით პირდაფჩენილები მიაჩერდნენ აღმზრდელს: „მათ შივდებათ ყველა წვრილმან გაუგებრობაზე, სიმართლეს თვალებიდან მართმევენ და მერე ერთად გემრიელად ვნაყრდებით.“ ორი დღე აცდენდა ზაზა ბაღს. მასწავლებელი ღელავდა. დღის ბოლოს ბავშვები აწესრიგებდნენ მერხებს, რამდენიმეს უკვე დაებანა ხელ-პირი, მოემარჯვებინა პირბადე და ელოდა მშობელს. ლიას მობილურმა დარეკა. -გამარჯობა ლია მასწავლებელო! -გამარჯობა ნათია! ზაზა როგორაა? -ამბობს ბაღში არ წავალ, იქ ჩემზე კარგები არიანო. ვერ გავარკვიე, რა შეემთხვა... ლიამ ყველაფერი უამბო, სთხოვა ბავშვი დამალაპარაკეო. -გამარჯობა ზაზა, როგორ ხარ?! ბავშვებმა მოგიკითხეს. -კარგად! მართლა მომიკითხეს?! -კი, აბა! რატომ აცდენდი ბიჭო?! -აი, მუცელი.. არა, ის..აი... -ბუტიაობა არ შეიძლება ზაზა!... - ხვალ აუცილებლად მოვალ! ლიამ ზაზას ტყუილი აპატია, რადგან ბიჭი გამოწვევას გაუმკლავდა: “მხოლოდ ასეთი ტყუილის პატიებაა გამართლებული. ყველა რესურსი უნდა გამოვიყენო სიკეთის სამსახურში“ პატარებმა მოწყურებული თვალები შეაგებეს აღმზრდელს. ელოდნენ, როდის წაუკითხავდა- მოაყუდებდა აღმზრდელი სინათლის კოკას, რათა გაეგრილებინათ, ჩაეტკბოთ თავიანთი არსებობა. „თავიდან ამიხილეს უკვე ახელილი თვალი, უგვანო ფრთები დამიკეცეს, თავიანთი გაშალეს,- მომავლის გარანტად!“,- თითქოს შუბლზე აწერიაო, ისეთი სახით დაჯდა საწერად. ძიძა მის სახეს დააკვირდა. ლია დარწმუნდა, ზინა ყველაფერს ხვდებოდა მისი გამომეტყველებით, ამიტომ დაიწყო ქცევის კონტროლი: „არაკეთილმოსურნეს შენი სიკეთე არ უნდა გამოაყენებინო, ეს არანაკლებ ბოროტებაა.“ თელავის მუნიციპალიტეტის, სოფელ იყალთოს ეს საბავშვო ბაღი წალმით თბებოდა ზამთარში, რადგან გაცილებით იაფი ჯდებოდა, ვიდრე გაზით გათბობა. ბაღი გაარემონტეს, ავტომატური გათბობის სისტემა დაამონტაჟეს, რომელიც საწვავად იყენებდა დაქუცმაცებულ წალამს. ლიას მოთხოვნით ბუხარი დააშენეს ამ ოთახს, რადგან ცეცხლთან კითხვა რიტუალი იყო: პატარა გულების გადმოხსნა, ნაკვერცხლის გაღვივება და ის კაშკაში, სულიერ ძალებს რომ აერთიანებს, აკაჟებს და შეუმჩნევლად ყალიბში აქცევს. აკვირდებოდა, კითხვისას ჩაწვეთებული ქარაგმები, როგორ ფურჩქნიდა მათ სახეებს, ამღერდა თვალებს და ტვინს აამებდა. გაზაფხული ეშხში შესულიყო. გასხვლა დასრულებულიყო და საჭირო იყო, ჯგუფებში სივრცის გამოთავისუფლება მასალის შესანახად. ლიას სურდა, ბავშვებს საკუთარი ხელით შეეგროვებინათ წალამი. რამდენჯერმე შევიდა გამგესთან და დაარწმუნა, კოვიდ-19 - ის პანდემიის პირობებში, ყველა წესის დაცვით, აუცილებელი იყო ბავშვების ჩართვა ამ აქტივობაში, იმ პირობით, რომ ყველა მომუშავე, თუ ხელმძღვანელი პირი გაეყვანათ ვენახიდან. მხოლოდ ზედამხედველი დარჩებოდა თავის ქოხში. ისედაც წალმის აღება-დაქუცმაცება მექანიზაციით სრულდებოდა და გადაადგილებასთან დაკავშირებული, სახელმწიფოსგან დადგენილი შეზღუდვები მოხსნილი იყო. დილითვე ჩამოდგა ავტობუსი. პირბადე ყველას თავისი ხელით მოარგო, რადგან მუნიციპალური ტრანსპორტით მგზავრობდნენ. გზა საუბარში გაილია: ჩვეულებრივი მცენარეაო ვაზი, თუმც უფრო ფაქიზი და სასარგებლო. ჩვენი ჯილაგივით მყარი ფესვები აქვსო მას, დღენიადაგ გლეხს ემსახურებაო. ვისაც სხვებისთვის მსახურება შეუძლია, უმდაბლესთაგან უდიდესი ხდებაო. პატარებმა ვერ გაიგეს რას გულისხმობდა მასწავლებელი. ლიამ არაერთხელ წაკითხული, იესოს მიერ მოწაფეებისთვის ფეხების დაბანის სცენა გაახსენა. უფალი ხალხის მსახურებისთვის მოვიდა, ჩვენთვის გაისარჯა და ეწამა, თავისი ცხოვრებით მაგალითი მოგვცაო. გაუგებარი რომ არ ყოფილიყო, იკითხა, ვის ყავსო მოხუცებული სახლში. ორმა დაუდასტურა, ბებია მყავსო. -დედიკო თუ წუწუნებს, როცა ბებოს უვლის?! -არა, მასწავლებელო, არაფერს ამბობს. -აი, ხედავ, დედა ანგელოზია! ყველა მშობელი უდიდესია, რადგან მისი ეს ქმედება სასიკეთო ძვრებს იწვევს თქვენში, სწავლობთ სიყვარულსა და მზრუნველობას. ვიცი, სხვა ბებოებს პატივისცემით მოეპყრობით, დედიკოებს ხელის გულზე ატარებთ, როცა დაგიბერდებიან და შვილებსაც სიყვარულით აღზრდით! „რასაც ნორმად დაუწესებ, რასაც აჩვენებ და აგრძნობინებ ბავშვს, ისაა მისთვის მისაღები. უპატივცემულობას თუ გამოიჩენ, მუდმივად დათრგუნავ და უგულებელჰყოფ მის სურვილებს, ჩამოუყალიბდება, რომ მეტს არ იმსახურებს. დაბალი თვითშეფასების მქონე ადამიანები იტანჯებიან და მაპროვოცირებელი საქციელით ცდილობენ სხვისი სიყვარულის მოპოვებას“-ჩაიწერა რვეულში, ბავშვებს კი უთხრა: -ვაზი იმიტომაა უდიდესი, შრომას აყვარებს ადამიანს. შრომა კი ლოცვაა! ბავშვები ყიჟინით შეესივნენ ვენახს. ლიამ თვალები მომართა, ღრმად ჩაისუნთქა. ვაზის სურნელმა შორიდან იცნო, დაბურძგლა. აგროვებდა მოჭრილ ღერებს, ბავშვებმაც მიბაძეს. შემდეგ შეკონვას შეუდგა, წინასწარ დაჭრილი ბაწრის ნაკუწებით. შეატყო ბავშვებს დაღლა. გამოაშლევინა პატარა დამტვერილი ხელის გულები. რა იგრძნესო თქვენმა ხელებმა. ზოგმა უთხრა დამეღალა ხელებიო, ზოგმა-დამესვარაო, ზოგმა- გამხიარულდნენო. ლიას ჩაეღიმა. მხიარულება კარგიაო ბავშვებო, შრომაც უნდა გვამხიარულებდესო. სახეზე წითელი ნაკვერცხლები უხტოდა, მაინც არ შეეპუა. აჩვენა ვაზის ფოთოლი, ყვავილი და ნაყოფი. ვაზს კლერტი (ზედმეტი ყლორტი) გააცალა და ნაყოფიც გააყოლა. გიორგიმ შეამჩნია, ყურძენი მოგიწყვიტავთ მასწავლებელო, როგორღა დაისხამსო. -ეგ ზედმეტია გიორგი. ვაზს უამრავი ნაყოფი გამოაქვს, ცრუ და ზედმეტი. მევენახემ უნდა გააკეთოს არჩევანი, რომელი დაუტოვოს, რათა ის რამდენიმე გაძლიერდეს. თქვენი მშობლები მევენახეს ჰგვანან, უნდა გაგწკიპონ, ცრუ ჩვევები მოგაშლევინონ-არტახებში მოგაქციონ. ძლიერმა და მოსიყვარულე ხელმა შეიძლება მისცეს სწორი მიმართულება ბავშვის აღზრდას და ვაზიც დაიმორჩილოს. მცენარე თვინიერი და ძლიერი ხდება, თუ სიყვარულითა და მოწიწებით ეპყრობიან. ლიას სიგრილემ გადაურბინა სახეზე. სეტყვა იყო მოსალოდნელი, მეტეროლოგების პროგნოზი მართლდებოდა. ბავშვებს საწვიმრები მოარგო. ზედამხედველი სეტყვისგან დასაცავ ბადეს შლიდა. ყინულის ბურთები დაიბერტყა ზეცამ. მიწამ ოხშივარი ამოუშვა, როგორც ყინულებჩაყრილმა თონემ. ლიამ მოსწავლეებს ავტობუსისკენ უბიძგა. თვითონ ვაზებს მთელი ტანით გადაეფარა, მუჭებში შერჩენილ სეტყვას ხელუკუღმა ჰყრიდა. სისველემ გამოაფხიზლა. გაახსენდა გულის ჯიბეში შენახული რვეული. სწრაფად მოტრიალდა, გადაფარებულ ბადეს ახედა და ავტობუსში შეფრინდა. ნესტისგან მოხრილი რვეული ჯიბიდან ამოიღო: „ ამინდი გარემოს ნაცხია ბავშვის ცხოვრებაში. სეტყვა- თავსდატეხილი გაუგებრობა, რისგანაც მშობელი იცავს ბავშვს, უფრთხილდება არ წალეკოს მისი პიროვნება. კლერტის მოცლა უფროსებისგან გაცნობიერებული ნაბიჯებია, რასაც ბავშვისთვის ძირეული ცვლილებები მოაქვს.“ რეტდასხმული ლია გახუნებულ ფურცელს ჩააშტერდა: “მისმინე მამაჩემო, კარგია ვაზს რომ უვლი, ეფერები; ჩვენც შემოგვიბარე, მიწა გაგვიახლე, მამაპაპურ ქვა-ღორღში ნუ ჩაგვალპობ.“ მამამისი, ოფლითა და საწამლით გადახვითქული, მრავალშვილიან ოჯახს ვენახში ამუშავებდა. ღონეგამოცლილ გოგოს ერთხელ ვაზის ძირში ჩაეძინა. გაღვიძებული მიხვდა, ვაზზე შემოხვეულიყო. მამამ ძლივს გამოჰგლიჯა ლია. ძილ-ბურანიდან გამოსულ ლიას გაახსენდა, როგორ შემოეხვია ვაზი, შეიტკბო და შეიჭმუხნა მისი სხეულით, სული კი გადაუხარშა, ფერი უცვალა. ვაზის ციებ-ცხელება შეყროდა გოგოს. ექიმებმა ვერ დაადგინეს, ეს დაავადება ფიზიკური იყო თუ სულიერი. ვაზთან სიახლოვე წითელ ნაფოთლს უჩენდა სხეულზე. ეს იყო შანსი ცხოვრებისგან, რისი მიზეზითაც ლია წიგნებს დაუბრუნა. ვაზის ალერგიამ სხვა ლია გამოკვება- უფრო მყარი და ცნობადი. წერა მაშინ დაიწყო. ფურცელზე ჩანდა და შვილებში იკითხებოდა. თვალწინ დაუდგა ძარღვად ქცეული, მიწისკენ დახრილი მამამისი, რომელსაც ამინდის ცვლილებაც კი არ ახედვინებდა ცაში. ლიას კლასგარეშე წიგნებს უკრძალვდა, მანდ ცის ამბები სწერია, რა გესაქმებაო. წარსული დღეები ეკალივით ჩხვლეტდა ლიას: „ გაგვზარდე და რატომ დაპატარავდი, იქნებ ჯერ კიდევ შეუცნობელი შვილები გჭამენ!“. ავტობუსი გაჩერდა. მზე კაშკაშებდა ლიასავით და ლია იყო ვაზში. ცნობადი იყო ლია, როგორც არასდროს. ფიქრებით მამასთან იყო, თუმც უცხოდ გრძნობდა თავს: „თუ იტანჯები, ალბათ გიღირს, მე ყველაფერი დავთმე,- ვალად არ მყოლოდა ცხოვრება. ჩემგან დავალებული, ლოდინით დაკოჟრილი, ახლა შორიდან მიმზერს!.“
კომენტარები |
ილუსტრაციები |
რეცენზიები |
|
27. სამუშაო მაქვს როგორც ჩანს, უნდა გადავხედო. მადლობა რომ დრო დაუთმეთ. :)) სამუშაო მაქვს როგორც ჩანს, უნდა გადავხედო. მადლობა რომ დრო დაუთმეთ. :))
26. ცოტა უცნაური პიროვნებაა ლია. ზინას დალიას შედარებას კი მივხვდი, მაგრამ მამის არასასურველი სიმკაცრე რა შუაშია აქ - ვერა ცოტა უცნაური პიროვნებაა ლია. ზინას დალიას შედარებას კი მივხვდი, მაგრამ მამის არასასურველი სიმკაცრე რა შუაშია აქ - ვერა
25. მადლობა ლაშა, მისაღებია შენიშვნები მადლობა ლაშა, მისაღებია შენიშვნები
24. ვანანო , წავიკითხე , კომენტარებიც კი )) ვეცდები მოკლედ დავწერო . 1 . ისედაც გითხრეს რო შესავალი ძაან გრძელია და პრინციპში არაფრის მომცემიც . იდეაში ლიას ხასიათს და პერსონაჟს უნდა ახადიათებდეს და ასეცაა , მარა ძაან არაფრისმომცემუა მაინც . მოკლედაც შეიძლებოდა , მოკლედ ეს ისედაც გითხრეს. შექსპირი გაიხსენე თუნდაც , მე ძაან მაინტერესებს კაპულეტ მონტეკების , თუ გვარები სწორად მახსოვს ))) სიძულვილის მუზეზი , მარა შექსპირისთვის ეს იმდენად უმნიშვნელო იყო რო პირდაპირ რომეო ჯულიეტათი დაიწყო . ნუ მთლად აივნის სცენით არა , მარა მაინც ))) მოკლედ იმედია ხვდები რაც ვიგულისხმე . რისთვის იყო პროლოგი მართლა გაუგებარია ანუ .
2 . ბავშვები ცოტა უცნაურად გამოუიყურებიან შენთან . თითქოს სკოლის მოსწავლეები არიან ვიდრე ბაღის ბავშვები . პრინციპში ესაც მიგითითეს . )))
3 . რა ასაკის მკითხველისთვისაა ესაც გაუგებარია . ხან თითქოს საბავშვოა , მერე საუფროსო . ვისთვისაა დაწერილი ესაც გაუგებარია , მარა ნეფერტარის არ იყოს , საინტერესო მონაკვეთებია და ფინალი . პირადში უკეთ ვილაპარაკებთ მემგონი ))) მთლიანობაში ეტყობა რო საკონკურსოდაა და არა , საავტოროდ , თუ რაც ქვია )) ვანანო , წავიკითხე , კომენტარებიც კი )) ვეცდები მოკლედ დავწერო . 1 . ისედაც გითხრეს რო შესავალი ძაან გრძელია და პრინციპში არაფრის მომცემიც . იდეაში ლიას ხასიათს და პერსონაჟს უნდა ახადიათებდეს და ასეცაა , მარა ძაან არაფრისმომცემუა მაინც . მოკლედაც შეიძლებოდა , მოკლედ ეს ისედაც გითხრეს. შექსპირი გაიხსენე თუნდაც , მე ძაან მაინტერესებს კაპულეტ მონტეკების , თუ გვარები სწორად მახსოვს ))) სიძულვილის მუზეზი , მარა შექსპირისთვის ეს იმდენად უმნიშვნელო იყო რო პირდაპირ რომეო ჯულიეტათი დაიწყო . ნუ მთლად აივნის სცენით არა , მარა მაინც ))) მოკლედ იმედია ხვდები რაც ვიგულისხმე . რისთვის იყო პროლოგი მართლა გაუგებარია ანუ .
2 . ბავშვები ცოტა უცნაურად გამოუიყურებიან შენთან . თითქოს სკოლის მოსწავლეები არიან ვიდრე ბაღის ბავშვები . პრინციპში ესაც მიგითითეს . )))
3 . რა ასაკის მკითხველისთვისაა ესაც გაუგებარია . ხან თითქოს საბავშვოა , მერე საუფროსო . ვისთვისაა დაწერილი ესაც გაუგებარია , მარა ნეფერტარის არ იყოს , საინტერესო მონაკვეთებია და ფინალი . პირადში უკეთ ვილაპარაკებთ მემგონი ))) მთლიანობაში ეტყობა რო საკონკურსოდაა და არა , საავტოროდ , თუ რაც ქვია ))
23. :დდ კარგი, ლაშა :)) :დდ კარგი, ლაშა :))
22. თქვენობით თუ არ მომმართავ , აუცილებლად წავიკითხსვ )) თქვენობით თუ არ მომმართავ , აუცილებლად წავიკითხსვ ))
21. ბატონო, ლაშა, გელაძე, დამპირდით ვაზის ალერგიას წავიკითხავო, წაშლილი იყო და აღნიდგინეს, ძალიან გამიხარდრბა, თუ გაეცნობით!! :)) ბატონო, ლაშა, გელაძე, დამპირდით ვაზის ალერგიას წავიკითხავო, წაშლილი იყო და აღნიდგინეს, ძალიან გამიხარდრბა, თუ გაეცნობით!! :))
20. ვაფასებ თქვენს გულითად რჩევებს!! :))))))))) ვაფასებ თქვენს გულითად რჩევებს!! :)))))))))
19. თქვენი ბრალი არაფერია. ბევრი ადამიანი მოუცლელია და დრო არ აქვს, პოეტები პროზას საერთოდ არ კითხულობენ, არაა მათი ინტერესის სფერო. მოყვარულები დროს კლავენ და სხვების მცდელობებს ათვალიერებენ. არიან აქ დიდი პროფესიონალები, ფილოლოგები, სერიოზული ლიტერატორები, სხვა ლიტერატურაზე შეყვარებული ადამიანები, მეტ -ნაკლებად წარმატებული ავტორები, სხვადასხვა პრემიების ლაურეატები და ცნობილები. მათ ყველას სხვადასხვა ინტერესი აქვთ, თანამედროვე ლიტერატურის განვითარებაზე ნაკლებად ზრუნავენ. მყუდრო სივრცეს ეძებენ ინტერნეტში სადაც დაწერენ რამეს და ნერვებს არავინ მოუშლით. თუ ერთბაშად ყველას ყურადღების მიქცევა გსურთ, ისეთი თემა და სიუჟეტი უნდა იპოვოთ, რომელიც ყველას ერთი და იგივე ინტერესს გაუღვიძებს, რომ მოგყვნენ და წაიკითხონ შენი ნაწერები. ეძებეთ ასეთი თემა, შექმენით სიუჟეტი, დაიხმარეთ თქვენი წიგნიერება, დაგროვილი ცოდნა და მიუშვით თქვენი ფანტაზია. დანარჩენი ნიჭმა იცის. ეს არის ნაკლები ამბიცია და დიდი შრომა. ეს არის სამურაის გზა. თუ პოპულარობა არ გიყვართ, გამოიყენეთ ფსევდონიმი. საერთოდ არ უპასუხოთ ურაყოფით ან დამცინავ კომენტარებს. ისინი თვითონ ილაპარაკებენ მათივე ავტორებზე და თავისით დაიმსახურებენ დაცინვას. ეს რთული გზაა, მაგრამ მიზნამდე ნამდვილად მიგიყვანთ, თუ თქვენი მიზანი წერაა.
თქვენი ბრალი არაფერია. ბევრი ადამიანი მოუცლელია და დრო არ აქვს, პოეტები პროზას საერთოდ არ კითხულობენ, არაა მათი ინტერესის სფერო. მოყვარულები დროს კლავენ და სხვების მცდელობებს ათვალიერებენ. არიან აქ დიდი პროფესიონალები, ფილოლოგები, სერიოზული ლიტერატორები, სხვა ლიტერატურაზე შეყვარებული ადამიანები, მეტ -ნაკლებად წარმატებული ავტორები, სხვადასხვა პრემიების ლაურეატები და ცნობილები. მათ ყველას სხვადასხვა ინტერესი აქვთ, თანამედროვე ლიტერატურის განვითარებაზე ნაკლებად ზრუნავენ. მყუდრო სივრცეს ეძებენ ინტერნეტში სადაც დაწერენ რამეს და ნერვებს არავინ მოუშლით. თუ ერთბაშად ყველას ყურადღების მიქცევა გსურთ, ისეთი თემა და სიუჟეტი უნდა იპოვოთ, რომელიც ყველას ერთი და იგივე ინტერესს გაუღვიძებს, რომ მოგყვნენ და წაიკითხონ შენი ნაწერები. ეძებეთ ასეთი თემა, შექმენით სიუჟეტი, დაიხმარეთ თქვენი წიგნიერება, დაგროვილი ცოდნა და მიუშვით თქვენი ფანტაზია. დანარჩენი ნიჭმა იცის. ეს არის ნაკლები ამბიცია და დიდი შრომა. ეს არის სამურაის გზა. თუ პოპულარობა არ გიყვართ, გამოიყენეთ ფსევდონიმი. საერთოდ არ უპასუხოთ ურაყოფით ან დამცინავ კომენტარებს. ისინი თვითონ ილაპარაკებენ მათივე ავტორებზე და თავისით დაიმსახურებენ დაცინვას. ეს რთული გზაა, მაგრამ მიზნამდე ნამდვილად მიგიყვანთ, თუ თქვენი მიზანი წერაა.
18. ეს ალბათ ჩემი ბრალია, სხვანაირად არ გაიგოთ. მადლობა. :))))) ეს ალბათ ჩემი ბრალია, სხვანაირად არ გაიგოთ. მადლობა. :)))))
17. მეძვირფასება სიღრმისეული ანალიზი, რადგან აქ უმეტესობა ან ვერ იგებს ან თავს იკავებს შეფასებისგან. მეძვირფასება სიღრმისეული ანალიზი, რადგან აქ უმეტესობა ან ვერ იგებს ან თავს იკავებს შეფასებისგან.
16. არა, ეს კრიტიკა არაა, არც შენიშვნაა, ხედვაა რიგითი მკითხველის. მინდოდა პმ ში მომეწერა, მაგრამ გადავსებული დამხვდა ჩემი პმ და მოკლე დროში ვერ გავათავისუფლებ. სხვა დროს პიემს გამოვიყენებ.
არა, ეს კრიტიკა არაა, არც შენიშვნაა, ხედვაა რიგითი მკითხველის. მინდოდა პმ ში მომეწერა, მაგრამ გადავსებული დამხვდა ჩემი პმ და მოკლე დროში ვერ გავათავისუფლებ. სხვა დროს პიემს გამოვიყენებ.
15. ნეფერტარ, ყოველთვის გამიხარდება თქვენი კრიტიკის მოსმენა. ნეფერტარ, ყოველთვის გამიხარდება თქვენი კრიტიკის მოსმენა.
14. ძალიან დიდი მადლობა, მიღებულია შენიშვნები და გასათვალისწინებელია ძალიან დიდი მადლობა, მიღებულია შენიშვნები და გასათვალისწინებელია
13. არის იდეალური ფრაზები კი, ნამდვილად. მაგრამ არის ხარვეზებიც. ვფიქრობ, სანამ გაასაჯაროებთ მოთხრობას, ხმამაღლა უნდა წაიკითხოთ და ყველა ხარვეზს დაინახავთ. მოთხრობაში დაწყებულია უარყოფითი პერსონაჟი, მაგრამ დასრულებული არ არის. - ეს ზინაა თურმე ძიძა ყოფილა , (ძლივს მივხვდი რადგან მიუბმელია ზინას ძიძაობა ტექსტში ერთმანეთზე) - ჰოდა არაკეთილმოსურნე რატომ არის დარჩა დაუმთავრებელი. ანუ, ყველა პერსონაჟს უნდა ჰქოდეს თავი და ბოლო. - აქ ეს არ არის.
" გასხვლა დასრულებულიყო და საჭირო იყო, ჯგუფებში სივრცის გამოთავისუფლება მასალის შესანახად." - რომელ ჯგუფებში? იქ სადაც ბავშვები მთელ დღეს ატარებენ? და როგორ წარმოგიდნენიათ ან სად გინახავთ რომ ზამთრის შეშას, ან შეკონილ წალამს, ან დაქუცმაცებულ და დაპრესილ წალამს იმ ოთახებში აწყობენ სადაც ბავშვები მთელ დღეს ატარებენ? - ეს ანტიჰიგიენურია და ასე არ ხდება. სპეციალური სასაწყობე სათავსო არსებობს მაგისთვის ეზოებში და იქ შრება წალამიც და შეშაც. არ უნდა აწვიმდეს და ათოვდეს, უნდა გამოშრეს ზამთრისთვის.
საბავშვო ბაღის აღსაზრდელები წალამს კი შეაგროვებენ, მაგრამ ეგ არასწორია მათი ასაკის გამო. ძალიან პატარები არიან საამისოდ. :) ანუ ეს ნამდვილი ვერ იქნება. "ამინდი გარემოს ნაცხია ბავშვის ცხოვრებაში." - არა ბატონო, ამინდი ნაცხი კი არა, ყველაზე მთავარი მოვლენაა იმ ადამიანების ცხოვრებაში, ვინც ბუნებასთან ჰარმონიაში ცხოვრობს.
“მისმინე მამაჩემო, კარგია ვაზს რომ უვლი, ეფერები; ჩვენც შემოგვიბარე, მიწა გაგვიახლე, მამაპაპურ ქვა-ღორღში ნუ ჩაგვალპობ.“ - აი ეს ძლიერი ფრაზაა და მრავალი დატვირთვა აქვს, მარტო ამაზე დაიწერება ერთი რომანი. ჩემი სუბიექტური აზრით, ზედმეტად დიდაქტიკური მოთხრობაა, დამღლელია და ლაღად ვერ იკითხება. მაგრამ ასეთი ფრაზების ავტორს, სერიოზული ლიტერატურული ნაშრომის დადება შეუძლია, თუ სამურაის შრომას გასწევს. უნდა თუ არა, ეს თავს უნდა ჰკითხოს. დიდი წარმატებების სურვილით,
არის იდეალური ფრაზები კი, ნამდვილად. მაგრამ არის ხარვეზებიც. ვფიქრობ, სანამ გაასაჯაროებთ მოთხრობას, ხმამაღლა უნდა წაიკითხოთ და ყველა ხარვეზს დაინახავთ. მოთხრობაში დაწყებულია უარყოფითი პერსონაჟი, მაგრამ დასრულებული არ არის. - ეს ზინაა თურმე ძიძა ყოფილა , (ძლივს მივხვდი რადგან მიუბმელია ზინას ძიძაობა ტექსტში ერთმანეთზე) - ჰოდა არაკეთილმოსურნე რატომ არის დარჩა დაუმთავრებელი. ანუ, ყველა პერსონაჟს უნდა ჰქოდეს თავი და ბოლო. - აქ ეს არ არის.
" გასხვლა დასრულებულიყო და საჭირო იყო, ჯგუფებში სივრცის გამოთავისუფლება მასალის შესანახად." - რომელ ჯგუფებში? იქ სადაც ბავშვები მთელ დღეს ატარებენ? და როგორ წარმოგიდნენიათ ან სად გინახავთ რომ ზამთრის შეშას, ან შეკონილ წალამს, ან დაქუცმაცებულ და დაპრესილ წალამს იმ ოთახებში აწყობენ სადაც ბავშვები მთელ დღეს ატარებენ? - ეს ანტიჰიგიენურია და ასე არ ხდება. სპეციალური სასაწყობე სათავსო არსებობს მაგისთვის ეზოებში და იქ შრება წალამიც და შეშაც. არ უნდა აწვიმდეს და ათოვდეს, უნდა გამოშრეს ზამთრისთვის.
საბავშვო ბაღის აღსაზრდელები წალამს კი შეაგროვებენ, მაგრამ ეგ არასწორია მათი ასაკის გამო. ძალიან პატარები არიან საამისოდ. :) ანუ ეს ნამდვილი ვერ იქნება. "ამინდი გარემოს ნაცხია ბავშვის ცხოვრებაში." - არა ბატონო, ამინდი ნაცხი კი არა, ყველაზე მთავარი მოვლენაა იმ ადამიანების ცხოვრებაში, ვინც ბუნებასთან ჰარმონიაში ცხოვრობს.
“მისმინე მამაჩემო, კარგია ვაზს რომ უვლი, ეფერები; ჩვენც შემოგვიბარე, მიწა გაგვიახლე, მამაპაპურ ქვა-ღორღში ნუ ჩაგვალპობ.“ - აი ეს ძლიერი ფრაზაა და მრავალი დატვირთვა აქვს, მარტო ამაზე დაიწერება ერთი რომანი. ჩემი სუბიექტური აზრით, ზედმეტად დიდაქტიკური მოთხრობაა, დამღლელია და ლაღად ვერ იკითხება. მაგრამ ასეთი ფრაზების ავტორს, სერიოზული ლიტერატურული ნაშრომის დადება შეუძლია, თუ სამურაის შრომას გასწევს. უნდა თუ არა, ეს თავს უნდა ჰკითხოს. დიდი წარმატებების სურვილით,
12. საკონკურსო მოთხოვნებს რომ თავი დავანებოთ, მაინტერესებს აქვს თუ არა ლიტერატურული ღირებულება ამ მოთხრობას. მადლობა ვინც წაიკითხავს. :)) საკონკურსო მოთხოვნებს რომ თავი დავანებოთ, მაინტერესებს აქვს თუ არა ლიტერატურული ღირებულება ამ მოთხრობას. მადლობა ვინც წაიკითხავს. :))
11. ქულები მაინც გეკუთვნით და მოგანიჭეთ
ქულები მაინც გეკუთვნით და მოგანიჭეთ
10. გამიხარდა რომ წაიკითხეთ. მადლობა გამიხარდა რომ წაიკითხეთ. მადლობა
9. გულახდილად გეტყვით, მოთხრობის ვრცელი დასაწყისი ისეთი მშრალია, რომ კინაღამ კითხვის გაგრძელების სურვილი დამიკარგა. მომავალში გაითვალისწინეთ!
გულახდილად გეტყვით, მოთხრობის ვრცელი დასაწყისი ისეთი მშრალია, რომ კინაღამ კითხვის გაგრძელების სურვილი დამიკარგა. მომავალში გაითვალისწინეთ!
8. ასე, ხომ კონფიდენციალობა დაირღვევა?! რავიცი , არასწორია წესით. ბოლომდე ანონიმურად უნდა დარჩეს. ასე, ხომ კონფიდენციალობა დაირღვევა?! რავიცი , არასწორია წესით. ბოლომდე ანონიმურად უნდა დარჩეს.
6. და საკონკურსოს აქ გამოქვეყნება შეიძლება? და საკონკურსოს აქ გამოქვეყნება შეიძლება?
5. ქეით გრინი, გასაგებია. მადლობა ქეით გრინი, გასაგებია. მადლობა
4. გავეცანი თქვენს ნაწარმოებს დაკვირვებით და ჩემი აზრით, პირველი ნაწილი უფრო სუსტია, ვიდრე მეორე. კითხვის დროს ისეთ შეგრძნებას გიტოვებს, რომ თითქოს ბალანსი და შეკრულობა ირღვევა. ეს წერის მხარეს რაც შეეხება. იდეა და შინაარსი კარგია! გავეცანი თქვენს ნაწარმოებს დაკვირვებით და ჩემი აზრით, პირველი ნაწილი უფრო სუსტია, ვიდრე მეორე. კითხვის დროს ისეთ შეგრძნებას გიტოვებს, რომ თითქოს ბალანსი და შეკრულობა ირღვევა. ეს წერის მხარეს რაც შეეხება. იდეა და შინაარსი კარგია!
3. მადლობა მუხა. რაც ენერგოეფექტურობაზე არ წერია ზედმეტია. მადლობა მუხა. რაც ენერგოეფექტურობაზე არ წერია ზედმეტია.
2. მომეწონა. კარგი წასაკითხია, მაგრამ ძალიან ვრცელი შესავალი აქვს, ეგება ასე დაგეწყო თავიდან :
თელავის მუნიციპალიტეტის, სოფელ იყალთოს საბავშვო ბაღი წალმით თბებოდა ზამთარში, რადგან გაცილებით იაფი ჯდებოდა, ვიდრე გაზით გათბობა.
მთავარია, მონაწილეობა რომ მიიღე კომკურსში, ესეც გმირობას, წინწასვლას და მომავალში გამარჯვებას ნიშნავს.
მომეწონა. კარგი წასაკითხია, მაგრამ ძალიან ვრცელი შესავალი აქვს, ეგება ასე დაგეწყო თავიდან :
თელავის მუნიციპალიტეტის, სოფელ იყალთოს საბავშვო ბაღი წალმით თბებოდა ზამთარში, რადგან გაცილებით იაფი ჯდებოდა, ვიდრე გაზით გათბობა.
მთავარია, მონაწილეობა რომ მიიღე კომკურსში, ესეც გმირობას, წინწასვლას და მომავალში გამარჯვებას ნიშნავს.
1. მგონია, კარგი სამჯელო მოთხრობაა, თუმც ყველა დუმს. მგონია, კარგი სამჯელო მოთხრობაა, თუმც ყველა დუმს.
|
|
მონაცემები არ არის |
|
|