| ავტორი: ლ. ლორია ჟანრი: პროზა 18 ივლისი, 2014 |
ეძღვნება აკაკი მინაშვილს
სოფელს მდინარე ჩაუდიოდა და შუად ჰყოფდა. რაღაცა ჰყოფს, რაღაცა აერთიანებს. მდინარე რა მდინარეა თუ ხიდი არ აქვს. ჰოდა ამ მდინარესაც ხიდი ჰქონდა გადაკრული არტახივით - გამაერთიანებელად. სანამ მშრალი ამინდები და გვალვები იყო, ჰგუობდა მდინარე არტახს, მირაკრაკ-მიჰღუღუნობდა თავისთვინ. გაავდრდებოდა, შფოთვას დაიწყებდა, აფორიაქდებოდა, გადიდებ-ადიდებოდა, საძირკველს გამოაცლიდა და მოშლიდა ხიდს, თითქოსდა თავისუფლებადანატრებული... ორი მეგობარი ცხოვრობდა სოფელში - სოფელში რა, ერთი ხიდის ერთ თავთან, მეორე კიდე მეორე. ერთ წელს და ერთ დღეს, ერთ სამშობიაროში დაბადებულები, - თვალი რო აახილეს, პირველად ერთმანეთი დაინახესო, ასე ხუმრობდნენ. წლებმა იცის ჭირი და ლხინი, ყველაფერს ერთად იზიარებდნენ, ჰოდა პირველად ისინი იწყებდნენ ხიდის აგებას, აქეთA და იქეთა სოფელიც ეხმარებოდათ და ააგებდნენ ხიდს და ისევ ერთიანდებოდა სოფელიცა და მეგობრობაც. მიდიოდა წლები. დაბერიკაცდნენ მეგობრები, ერთს შეთხელებულ თმებზე ჩამოათოვა, მეორეს აღარც ის თეთრი თმა არ შერჩა. მეგობრობა არ დაუბერდათ მხოლოდ, ისევ ისეთივე ლაღი დაურჩათ, როგორც ბავშვობაში. ერთხელაც, ორნი რომ უსხდნენ სუფრას, ასეთი რამე წამოცდა ერთს – თითქოს და ხუმრობით: ხიდის ერთ თავთან შენ იდარაჯე, მეორესთან მე ვიფხიზლებ, სიკვდილი ერთმანეთთან არ გადავუშვათო. გამოხდა ხანი. დაიძინა ერთმა და ვინ იფიქრებდა, თურმე სამუდამოდ... ცა შეძრა კივილმა. მოვარდა სოფელი ხიდს აქედან და ხიდს იქედან. ხოდა ქალების კივილს კაცის ბღავილის ხმაც შეუერთდა: „მაპატიეო, არ გადმომიშვიაო, ბიჭო, სიკვდილი, გადმომეპარაო...”
18.07.2014 წელი
კომენტარები |
ილუსტრაციები |
რეცენზიები |
|
16. ძალიან კარგია, ისევე, როგორც თქვენი ყველა შემოქმედება (რაც კი წამიკითხავს და არ წამიკითხავს ისიც, ვფიქრობ) ^_^ ძალიან კარგია, ისევე, როგორც თქვენი ყველა შემოქმედება (რაც კი წამიკითხავს და არ წამიკითხავს ისიც, ვფიქრობ) ^_^
15. ეს საკონკურსო ნაწარმოებია, გაიხარე ლევან ძალიან ემოციური და ენით აუწერელი მეგობრობაა აქ, მკითხველამდე ლამაზად მოტანილი. ეს საკონკურსო ნაწარმოებია, გაიხარე ლევან ძალიან ემოციური და ენით აუწერელი მეგობრობაა აქ, მკითხველამდე ლამაზად მოტანილი.
14. შემაცია ამ პაპანაქებაში.
+5 შემაცია ამ პაპანაქებაში.
+5
13. ამას დაწერს ის,ვისაც ასეთი მეგობრობა შეუძლია!
:-* 555
ამას დაწერს ის,ვისაც ასეთი მეგობრობა შეუძლია!
:-* 555
12. ძალიან კარგი იყო ძალიან კარგი იყო
11. შენეულად, ლაკონურად და მრავლის დამტევად:) შენეულად, ლაკონურად და მრავლის დამტევად:)
10. ავტორი: ლ. ლორია ჟანრი: პროზა ჩემი შეფასება: 5
18 ივლისი, 2014 ავტორი: ლ. ლორია ჟანრი: პროზა ჩემი შეფასება: 5
18 ივლისი, 2014
9. მოიტანა აშკარად,... 5 მოიტანა აშკარად,... 5
8. კარგი ადამიანი იკითხება ავტორს მიღმა
555
კარგი ადამიანი იკითხება ავტორს მიღმა
555
7. ფრიადი ძმაო!
გოდერძი ჩოხელის სიტყვები გამახსენა შენმა ნაწერმა:
'ადიდდეს მაინც მდინარე, ჩატყდეს ეგეთი ხიდია''. ფრიადი ძმაო!
გოდერძი ჩოხელის სიტყვები გამახსენა შენმა ნაწერმა:
`ადიდდეს მაინც მდინარე, ჩატყდეს ეგეთი ხიდია``.
6. ვაიჰ მეეეე, ლევან. რა მიყავი ახლა ეს. :(((((((((((((((((((((((((((((((( ვაიჰ მეეეე, ლევან. რა მიყავი ახლა ეს. :((((((((((((((((((((((((((((((((
5. ქალების კივილს კაცის ბღავილის ხმაც შეუერთდა: „მაპატიეო, არ გადმომიშვიაო, ბიჭო, სიკვდილი, გადმომეპარაო...”
მაგარი ხარ, ლევან! მართლა მაგარი! 55555555 ქალების კივილს კაცის ბღავილის ხმაც შეუერთდა: „მაპატიეო, არ გადმომიშვიაო, ბიჭო, სიკვდილი, გადმომეპარაო...”
მაგარი ხარ, ლევან! მართლა მაგარი! 55555555
4. ლორიაა...:-* რა ძალიან კარგი ადამიანი ხარ და კარგი ავტორიც...:-* 5 ლორიაა...:-* რა ძალიან კარგი ადამიანი ხარ და კარგი ავტორიც...:-* 5
3. ავტორი: ლ. ლორია ჟანრი: პროზა ჩემი შეფასება: 5
ვახ ლევან რა კაცი ხარ რა! სულ ჟიგრამდე ჩაჰყვა...
ავტორი: ლ. ლორია ჟანრი: პროზა ჩემი შეფასება: 5
ვახ ლევან რა კაცი ხარ რა! სულ ჟიგრამდე ჩაჰყვა...
2. გაირა და გულს ,მიაყოლა ჯიგარი... გაირა და გულს ,მიაყოლა ჯიგარი...
1. გულისგულში რომ გაგივლის, ისე წერ შენ, ლ.ლორია...
გულისგულში რომ გაგივლის, ისე წერ შენ, ლ.ლორია...
|
|
მონაცემები არ არის |
|
|