დავდივარ ქვეყანაზე - თითქოს არაფერი,
            ვგავარ წესიერ და კარგ ადამიანს.
            ყველას შევუსრულებ თითო დანაპირებს
            და თუ ავფეთქდები, დროში გადაიარს.

            წავალ ამ ქვეყნიდან - ისევ არაფერი,
            მხოლოდ ზოგი იტყვის ნამდვილ შესანდობარს.
            ვეღარ შეგისრულებთ ბოლო დანაპირებს
            და ვერც სიტყვას გეტყვით - შესამკობლად.

            მივალ უცხო მხარეს - სულაც არაფერი,
            ვიცი არც იმ ქვეყნად, რომ არ მომელიან...
            გულო, - ვეღარაფერს ვეღარ დააპირებ,
            სულო, - ღმერთი შენი, აწი რომელია?