დო რე მიდან –
სოლ რე ფამდე
ლა სის გამოტოვებით,
თეთრ კლავიშზე აკორდები
აგორდნენ
და
ზმორებით,
მიარღვევდნენ ჰარმონიას
უჩვეულო ხმაურით.
წააგავდა პნევმონიას
სულის აურ–ზაური.

მიწა თითქოს შეირხა
და
ცაც სულ ოდნავ გაიხა..
სისხლი სხივად წამოენთო,
სავსე მთვარის გაისმა
(ხმა).
აყოლებდა მელოდიას
შუაღამის არიას,
ოცნებებად შეიშალა, –
აკორდები არია...

დო რე მიდან –
სოლ რე ფამდე
თეთრ კლავიშზე შეხებით...
ლა მე ვარ და
სი თუ ვერ ხარ,
სი ბემოლსაც გჯერდები...