მოდი რამე ვიმღეროთ,
გულიანი, ტკბილი ხმით,
არაყის და ღვინის სმით,
გინდაც მოტეხილი ფრთით.
მოდი ლექსი დავწეროთ,
მუზითა და გარითმვით,
ცოტა სევდიანი თქვით,
ცოტა მხიარული თქვით.
მოდი ერთად ვიცეკვოთ,
სახლს მოვედოთ ქარივით,
მოდი ჩქარა ვიცეკვოთ!
ავხმაურდეთ ზარივით.
მოდი ერთად ვიცეკვოთ,
ავხმაურდეთ ზარივით,
ავხმაურდეთ ქარივით,
ზღვის და ცის ლაშქარივით.
მოდი სადმე წავიდეთ,
ფრთა გავშალოთ, გავფრინდეთ,
ისე შორს გადავფრინდეთ,
გახსოვს, რომ გავაფრინეთ?
გაზაფხულზე დარგული,
შემოდგომით ხმებოდა,
ზამთრის სუსხის, უგულო,
ნიაღვარი დგებოდა,
ვარსკვლავს სხივი ურტყამდა,
ჩრდილი მე მეხებოდა,
და სინათლე ჩემ გარდა,
სუყველას ედებოდა,
მოდი წყალში ჩავიდეთ,
მოდი, ლექსი დავწეროთ,
მოდი, წამო, ვიცეკვოთ,
მოდი, რამე ვიმღეროთ,
არ დავუშვებ იალქნებს,
ამას ნუ დაისახავ,
დღეს შემხედე ზემოდან,
და ვეღარ დამინახავ.
მოდი ლექსი დავწეროთ,
გულიანი, ტკბილი ხმით,
არაყის და ღვინის სმით,
ერთი კიდევ დამისხით!