- მონ სენიორ, მომხედეთ,
თქვენ, როგორ გგონიათ?!
არ ფიქრობთ დაათოვს
ამაღამ ეიფელს?!
თქვენ ამბობთ: – "პარიზში,
დღეს წვიმა იქნება
და მხოლოდ სიზმრებში თუ მოთოვს..."
მე კიდევ,
კვლავ ცელქი ბავშვივით
ქვედა ტუჩს ვბურცავ და,
ამინდზე, პარიზზე,
თქვენზედაც ვბრაზდები...
სენიორ, იცინით და გულში მიხუტებთ...
ამბობთ, რომ ბავშვი ვარ,
თან ფრიად თავხედი...
უკიდებთ სიგარას, მაწოდებთ ფუჟერებს.
"მემ ვისკი დავლიოთ,
ან რაც გსურთ ის, ოღონდ...
ნუღარ იჯიუტებთ,
ნუ ანცობთ ბავშვივით
და ნუ მებუტებით...
(პარიზმა თუ არა)
ვნებებმა ითოვონ..."